Yn swatio rhwng mor a mynydd, mae’r cwrs naw twll yma yn cynnig golygfeydd godidog o fynyddoedd Eryri a Bae Ceredigion.

Ffurfiwyd y clwb yn 1905 ac un o’r aelodau cynharaf, ac a fu’n gefnogol i’r clwb trwy gydol ei oes, oedd un o feibion enwoca’r ardal, y Prif Weinidog David Lloyd George. Roedd yn arfer chwarae’r cwrs yn aml gyda’i ffrindiau, yn ogystal a gwleidyddion disgleiriaf y cyfnod, neb llai na Winston Churchill ac Andrew Bonar Law.

Heddiw mae’r clwb yn nodedig am ei awyrgylch hamddenol a chyfeillgar, ac mae croeso cynnes i golffwyr o bob oed a safon. Ymwelwch a’r clwb golff i dorri syched a mwynhau pryd o fwyd ac edrych allan ar y golygfeydd bendigedig.

Mae’r cwrs yn ychwanegiad hyfryd at yr amrywiaeth eang o gyrsiau safonol eraill sydd yn yr ardal. Ymysg rhai o nodweddion y cwrs mae'r wythfed twll, gyda’r llain bytio tua 75 troedfedd uwch eich pen, yn gryn her i unrhyw chwaraewr. Mae cyrraedd y llain mewn dwy ergyd yn dipyn o gamp! Yna daw’r nawfed twll – par 3 tua 100 llath o hyd gyda’r llain bytio 100 troedfedd islaw!

Dewch i flasu’r hanes a’r golygfeydd a mwynhau gem o golff – mae croeso cynnes yn eich disgwyl.

Click photos to enlarge...